Lidhur me këtë situatë, Pula tha se një pjesë e serbëve të Kosovës ishin të manipuluar nga struktura të caktuara të dirigjuara nga Beogradi.
“Mbrëmë si Kosovë, si institucione jemi gjendur para një situate jo të lakmueshme për faktin se një pjesë e qytetarëve të Kosovës të cilët i takojnë komunitetit serb ishin të manipuluar nga struktura të caktuara të dirigjuara nga Beogradi zyrtar. Fatkeqësisht kjo gjendje është e ripërsëritur tashmë disa herë dhe sa herë që Qeveria e Republikës së Kosovës tenton ta shtrijë autoritetin atje sikur ka një iniciativë dhe një lloj organizimi jo nga qytetarët lokal, më pak nga ta… dhe po has në një rezistencë e cila nuk do të duhej të ndodhte”, tha Pula.
Ai në emisionin “ Ditari” tutje tha se Qeveria e Republikës së Kosovës duhet të mendoj për territorin e saj teksa theksoi se kjo prej vitesh ka munguar edhe në të kaluarën ku sipas tij është neglizhuar shtrija e autoritetit qendror në atë pjesë.
