I ftuar në “Info Nata” në Tëvë 1, Pula theksoi se një krahasim i tillë nga ana e Serbisë është i pranueshëm, por nga ana e Kosovës është i papranueshëm. Ai tregoi edhe të vetëm gjë të përbashkët, që sipas tij, kanë Kosova dhe Ukraina.
“Krahasimi Kosovë – Ukrainë është absurd. Është absurd i llojit të vet. E vetmja gjë e përbashkët që mund ta theksojmë edhe mund ta pranojmë Ukrainë – Kosovë është që, që nga 2014-ta, dy rajonet në Ukrainë, Donbas dhe Krimea nuk kanë qenë të administruara nga qeveria qendrore e Ukrainës, ashtu siç nuk ka qenë i administruar veriu i Kosovës nga qeveria qendrore këtu në Prishtinë. E vetmja gjë është kjo e përbashkët. Pastaj të tjerat asgjë nuk ka që përkojnë njëra me tjetrën. As historikisht, as politikisht, as në rrethana të sotme. Prandaj një krahasim i tillë nga ana e Serbisë është krejt normal, nga ana jonë është krejt i papranueshëm për tu bë një krahasim i tillë por sidoqoftë neve nuk jemi ata faktorë që mund ta diktojnë dikë cili do qoftë ai udhëheqës institucional, rajonal për deklarime të tilla”, tha ai.
Ai shtoi se nuk ka kurrfarë argumentesh për të bërë krahasime të tilla.
“Pra unë po e them e vetmja gjë e përbashkët është fatkeqësisht, veriu i Koosvës që nuk është administruara nga ana e qeverisë qendrore që nga 99-ta dhe këto dy rajone në Ukrainë që nga 2014. Kjo është e përbashkëta e vetme, përndryshe nuk ka hapësirë, nuk ka arsye, nuk ka kurrfarë argumenti për të bërë krahasime të tilla”, shtoi Pula. /Teve1.info/
