Në “Info Nata” në Tëvë 1, ai theksoi se këshilltarët, Jens Plettner dhe Emmanuel Beaune po i bashkëngjiten angazhimit të të gjithë të emëruarve të tjerë special.
“Unë mendoj se dërgimi i dy këshilltarëve personal të kancelarit Scholz dhe presidentit Macron është një vlerë e shtuar për sa i takon angazhimit të tyre rreth temave të mbetura të hapura të cilat tash e një kohë të gjatë mbesin komplekse ndërmjet Kosovës dhe Serbisë, pa një zgjidhje adekuate, pa një zgjidhje përmbajtësore. Dhe natyrisht që edhe këta të dy po i bashkëngjiten angazhimit të të gjithë të emëruarve të tjerë special”, deklaroi ai.
Sipas tij, emisari i BE-së për dialogun Kosovë – Serbi, Miroslav Lajçak duhet të jetë i paanshëm dhe korrekt ndaj dy palëve në dialog.
Të premten në Kosovë, do të qëndrojnë për vizitë Lajçak, i shoqëruar nga këshilltarët, Jens Plettner dhe Emmanuel Beaune, të emëruar nga kancelari gjerman dhe presidenti francez.
Të njëjtit do të vizitojnë edhe Beogradin ku do të priten nga presidenti serb Aleksandar Vuçiq. /Teve1.info/
