Në media është publikuar një audio-incizim, ku dyshohet se dëgjohen duke biseduar Srdjan Rosiq dhe Bedri Shabani.
Megjithëse, audio në disa pjesë është e censuruar, aty kuptohet se Bedri Shabani, i dyshuar për bashkëpunëtor të shërbimit serb të inteligjencës se kërkon që BIA t’i ndihmojë atij dhe njerëzve të tij që ta kryejnë një punë.
“Çka mendon? Do t’i pyesësh ata tuajt, ta shtyejnë këtë apo do të flenë?”, i ka thënë Shabani oficerit të BIA-s.
I dyshuari për spiunazh kishte dhënë deklaratë të paautorizuar për një televizion francez dhe i shkroi letër Kofi Ananit në OKB.
Ndërsa, Rosiq i thotë se “do ta shtyejnë, porse paksa janë … presin të zgjohen…”
Më tej, Shabani thotë se duhet vepruar asisoj, që dikush tjetër ta ngacmojë tërthorazi, e më pas ne t’ia vëmë benzinën dhe të marrë flakë edhe më shumë”.
Srdjan Rosiq gjatë viteve ’90-ta ka jetuar në Ferizaj derisa ishte i angazhuar si oficer në shërbimin sekret serb.
Emri i tij është përmendur edhe në rastin e gjykimit ndaj kryekriminelit serb Slobodan Millosheviq në Tribunalin Ndërkombëtar të krimeve të luftës në Hagë.
Për më shumë ndiqni videon e siguruar nga TheGeopost.
