Ministria e Industrisë, Tregtisë dhe Ndërmarrësisë (MINT) ka publikuar çmimet maksimale të lejuara të derivateve për të shtunën dhe të dielën.
Sipas njoftimit të MINT-it, çmimi maksimal i naftës është 1.70 euro për litër, i benzinës 1.53 euro për litër, ndërsa i gazit 0.63 euro për litër.
Çmimi i naftës është ulur për një cent krahasuar me ditën e djeshme, kur ishte 1.71 euro për litër.
Ndërkaq, çmimet e benzinës dhe gazit kanë mbetur të pandryshuara.
Ndryshe, si pasojë e konfliktit të nisur më 28 shkurt në Lindjen e Mesme, çmimi i naftës në Kosovë kishte arritur deri në 1.91 euro për litër.
Konflikti nisi me sulmet amerikane dhe izraelite ndaj Iranit më 28 shkurt, pas të cilave Irani sulmoi Izraelin dhe shtetet aleate të SHBA-së në Gjirin Persik.
Në kuadër të përshkallëzimit të konfliktit, u mbyll efektivisht edhe Ngushtica e Hormuzit, një prej rrugëve kryesore të transportit të naftës dhe gazit natyror të lëngshëm në botë./teve1.info/
