Mëngjesin e së hënës, në një deponi mbeturinash në Matiqan të Prishtinës u braktis një foshnje e posalindur.
Nga punëtorët e pastrimit, foshnja u gjet pa shenja jete në një qese të zezë mbeturinash.
Për gati një javë, nuk dihet ende se nga kush është braktisur ky fëmijë.
Për psikologen Mirjeta Pestisha Deliu braktisja e saj mund të ketë ardhur për shumë arsye, njëra ndër to edhe mosha e re e nënës.
Sipas saj, prindërit e rinj nuk kanë mjaftueshëm informacione nga institucionet përgjegjëse për braktisjen e një foshnje.
Që më shumë duhet të fliten tema e abortit dhe braktisjes në shkolla e thotë edhe njohësi i arsimit, Rinor Qehaja.
Ai thotë se këto tema duhet të diskutohen në shkolla sipas planprogramit.
Për këtë rast, është hapur edhe hetim nga Prokuroria.
