Finalja e Ligës së Kampionëve në “Puskás Aréna” në Budapest solli një ndeshje plot emocione deri në fund, ku PSG u shpall kampion pas ekzekutimit të penalltive.
Arsenal kaloi i pari në epërsi me golin e Kai Havertz në minutën e 5-të të takimit. “Gunners” arritën ta ruanin avantazhin gjatë pjesës së parë, duke shkuar në pushim me rezultatin 1-0.
Në pjesën e dytë, PSG reagoi dhe arriti të barazojë në minutën e 66-të me golin e Ousmane Dembélé. Deri në fund të kohës së rregullt, të dy skuadrat patën raste, por portieri David Raya bëri pritje vendimtare që e mbajtën rezultatin të pandryshuar.
Fituesi u vendos nga penalltitë, ku PSG ishte më i saktë dhe triumfoi 4-3. Nga ana e Arsenalit, Eze dhe Gabriel nuk arritën të shënojnë, ndërsa Raya arriti të ndalë goditjen e Nuno Mendes, por kjo nuk mjaftoi për të shmangur humbjen e londinezëve.
