Skuadra e Paris Saint-Germainit ka kontaktuar brazilianin Vinicius Junior, i cili javë më parë ka refuzuar rinovimin e kontratës me Real Madridin.
Raportoht se Vinicius ka mbetur i zhgënjyer me ofertën e Real Madridit dhe këtë situatë po mundohet ta shfrytëzoj PSG-ja.
Ekipi francez ka pasur bisedime formale me përfaqësuesit e Viniciusit pasi është i gatshëm ta transferoj brazilianin në fund të këtij sezoni.
Parisi e sheh Viniciusin si përforcim të madh për sezonin e ri por nuk do ta ketë të lehtë transferimin e tij, pasi 24-vjeçari po monitorohet edhe nga Manchester City dhe disa klube të Arabisë Saudite.
Ai është pjesë e Realit prej vitit 2018 dhe ka kontratë deri në vitin 2027, ndërsa këtë sezon ka shënuar 32 gola dhe ka bërë 20 asistime në 58 paraqitje në të gjitha garat.
