Publicisti Kim Mehmeti, në emisionin “Këndi i Kimit” në Tëvë1, ka komentuar situatën politike në Shqipëri dhe të ardhmen e kryeministrit Edi Rama, të cilin e quan “piktor”.
“Unë mendoj që ky vit do të jetë fundi i ‘piktorit’, sepse populli nuk mund t’i mbyllë sytë dhe veshët ndaj korrupsionit. Qeveria është bërë një shkollë për të trajnuar hajdutë. Kryeministri është i pasur, ndërsa situata e përgjithshme nuk është logjike. Ai i lejon të gjithë të vjedhin rreth tij, pa marrë masa,” ka thënë Mehmeti.
Ai ka shtuar se fundi i Ramës mund të vijë edhe për shkak të lodhjes së tij në mbrojtje të të tjerëve.
“Edhe unë mendoj që fundi i tij do të vijë duke u lodhur nga mbrojtja e hajdutëve, dhe ai vetë do të lodhet. Mendoj se përfundimi i tij mund të jetë në SPAK,” ka shtuar Mehmeti.
