Avokati i hoxhës, Shefqet Krasniqi ia mësyu Gjykatës Themelore në Prishtinë mëngjesin e së mërkurës.
Ky dorëzoi një padi ndaj gazetarit, Nusret Pllana për shpifje ndaj klientit të tij.
Sipas avokatit Bytyqi, Pllana në cilësinë e mysafirit në një emision kishte deklaruar se ligjëratat e teologut Krasniqit ishin nxitëse.
“Ka akuzuar rëndë duke deklaruar se ligjëratat e tij kanë nxitur të rinjtë për të shkuar në Siri”, ka thënë avokati Asdren Bytyqi.
Avokati Bytyqi tha se ato deklarata cenojnë integritetit e klientit të tij.
“Deri më tani në asnjë formë askush nuk e ka akuzuar të njëjtin që ligjëratat e tij kanë nxitur të rinjtë që të shkojnë në Siri, mendoj që kjo është një akuzë e rëndë e cila në kuptimin civil të shpifjes e godet edhe personalitetin e të njëjtit duke cenuar dinjitetin e tij”, ka thënë Bytyqi.
Ndaj këtyre akuzave ka reaguar edhe vet gazetari Pllana.
Sipas ligjit civil për shpifje dhe fyerje, shpifja nënkupton publikimin e një fakti ose deklarate të pavërtetë të cilën publikuesi e din ose është dashur ta dijë se fakti dhe deklarata është e pavërtetë, kuptimi i së cilës dëmton reputacionin e një personi tjetër.
