Kryetari aktual i Komunës së Ferizajt, Agim Aliu, i cili po garon për një mandat të ri, ka treguar se arsyeja pse kjo komunë ka vetëm një çerdhe publike lidhet me problemet në rekrutimin e stafit.
Megjithatë, Aliu, gjatë emisionit “ Këndi I Debatit” në Tëvë1, ka premtuar se në mandatin e ardhshëm do të ndërtohen së paku edhe pesë çerdhe të reja në Ferizaj.
“Për shkak të kufizimeve që ka secila komunë sa i përket rekrutimit të stafit që duhet të jetë në çerdhet publike. Këtë problem e kanë shumica e komunave të Kosovës dhe qyteteve më të mëdha një apo dy më shumë nuk kanë si çerdhe publike, por ne të ndërtuara dhe që funksionojnë janë tri. Edhe dy i kemi pothuajse gati, njëra është në Babush dhe tjetra është në rrugën “Rexhep Bislimi”, pra pothuajse të dyja janë gati dhe unë po besoj që shumë shpejt edhe ato do të funksionalizohen. E, në programin e ardhshëm ne do të ndërtojmë edhe së paku 5 çerdhe të reja në mënyrë që të jetë edhe angazhimi I grave në punë dhe biznese por njëkohshëm edhe që edhe fëmijët e tyre të kenë ku të shkojnë në këtë rast në çerdhe”, ka thënë Aliu.
