Publicisti, Kim Mehmeti ka dhënë shpjegimin e tij pse Lëvizja Vetëvendosje insiston edhe postin e presidentit.
Ai këtë e ka lidhur me zotimin e kryetarit të kësaj partie, njëherit kryeministër në detyrë, Albin Kurti për kthimin e pronave të vjedhura.
“Kryetari i Vetëvendosjes, premtoi që do e kthej pronën e vjedhur, lëre se do t’i zbuloj hajdutët dhe hajdutët kësaj i frikohen. Ata nuk duan të merret vesh se si u bën të pasur vetëm me politikë. Si u bë kjo pasuri”, ka vlerësuar ai në emisionin “Këndi i Kimit” në Tëvë1.
Megjithatë ai ka kritikuar qasjen e LVV-së, duke thënë se nuk mund të sillen se votuesit e saj janë shteti.
Mehmeti ka thënë se nëse Vetëvendosje vazhdon me sjellje të tilla do të përfundojë sikurse paritë tjera.
“Vetëvendosje do të përfundojë si partitë tjera. Vetëvendosje s’mund të sillet se populli janë vetëm votuesit e saj dhe s’mund të sillet si pararendësit e saj që ne jemi fituesi dhe shteti është yni dhe ne bëjmë cfarë duam. Shteti është edhe i atyre që nuk të kanë votuar ty”, ka thënë ai.
Mehmeti ka folur edhe për qëndrimet e partive opozitare, duke vlerësuar se ato janë të frustruara dhe arrogante për shkak siç ka thënë ai frikohen nga e kaluara e vet.
“Opozita është e frustruar dhe arrogante, sepse i frikohet të shkuarës së vet. Nga kjo frikë ajo e urren Albin Kurtin”, ka thënë ai.
Ai ka thënë se opozita e dëshiron postin e presidentit “sepse ajo nuk do t’i ikin nga duart gjykatat, jo presidenca”
Duke folur për moskonstituimin e Kuvendit, ai ka thënë se Kosova është në paqartësi kushtetuese.
Ai ka thënë se krizat po prodhohen për shkak të Kushtetutës.
