Erdhën një nga një.
I përgatitur për një seancë të gjatë, erdhi edhe vet i akuzuari, Nagip Krasniqi.
Mirëpo, bosh mbeti ulësja e dëshmitarit.
E gjithë dita ishte planifikuar për dëgjimin e udhëheqësit të Departamentit të Tregut të Energjisë pranë ZRRE-së, Skender Muqolli.
Ai nuk u paraqit në gjykatore. Arsyen e mungesës së tij e tregoi kryetari i trupit gjykues.
Rrjedhimisht, nuk pati kushte për mbajtje të seancës, e cila u ndërpre.
Nagip Krasniqi në këtë çështje po akuzohet për korrpusion sa ishte në krye të Korporatës Energjetike të Kosovës.
Sipas aktakuzës, Krasniqi në cilësinë e kryeshefit të KEK-ut, nga 15 tetori 2021 e në vazhdimësi, ia kishte mundësuar tregtimin e energjisë operatorit ekonomik “Holding Slovenske Elektrane”, në kundërshtim me Ligjin për Energjinë Elektrike dhe Ligjit për Rregullatorin e Energjisë.
Me këtë, “HSE”, i është mundësuar përfitimi pasuror dhe shmangia nga tatimi në Kosovë, duke dëmtuar buxhetin e shtetit për afro 532 mijë euro, kurse KEK-u ishte dëmtuar me rreth tre milionë e 229 mijë euro.
