Përmes një postimi në Facebook, ajo ka bërë të ditur se deri më tash Molliqaj nuk ka pranuar ndonjë ftesë të rregullt nga Gjykata Themelore në Prishtinë.
“Sot jemi njoftuar përmes mediave se ndaj Kryetarit të PSD-së, z. Dardan Molliqaj është lëshuar një urdhërarrest nga Gjykata Themelore në Prishtinë. Dëshiroj të njoftoj opinionin publik se z. Molliqaj deri më tash nuk ka pranuar asnjë ftesë të rregullt nga kjo gjykatë në përputhje me procedurën përkatëse në fuqi, e rrjedhimisht lëshimi i këtij urdhërarresti duket që është nxjerrë në shpërputhje me kushtet e parapara ligjore. Ftojmë gjykatën të publikojë dëshmi mbi dërgimin e rregullt të ftesave. Mungesa e një dëshmie të tillë, dëshmon qartë se të drejtat e z. Molliqaj i janë cenuar nga lëshimi i këtij urdhërarresti”, shkroi ndër tjerash ajo.
Tutje, Kuçi njoftoi se kryetari i PSD-së do të vazhdojë agjendën e tij të punës si çdo ditë tjetër./teve1.info/
