Aktivistë të Partisë Socialdemokrate janë mbledhur për të mbajtur një aksion simbolik, në ngjarjen ku është paraparë që të merr pjesë kryeministri Albin Kurti dhe ministrja e Arsimit, Shkencës, Teknologjisë dhe Inovacionit, Arbërie Nagavci në Manifestimin për 7 marsin “Dita e Mësuesit”.
Ngjarja e paraparë për në orën 13:00 është shtyrë, derisa aktivistët janë deklaruar se po e presin ministren Nagavci.
Nol Nushi nga PSD tha se nuk do ta presin ministren me lule, por me aksione paqësore.
Sipas tij pritja po bëhet që t’ia dorëzojnë ministres librezën e mandatit të parë qeverisës.
Ndërtimi i çerdheve të reja, sjellja ndaj Sindikatës së Arsimit, furnizimi me kohë me libra shkollor, rezultati në Pisa për të gjitha këto është notuar me notën 1 ndërsa për shkelje të kushtetutës me notën 5./kp
