Kryetari i PSD-së, Dardan Molliqaj thotë se nëse nuk ndodh as shkarkimi i këtij bordi, atëherë “skandali i rritjes së çmimit të rrymës përfshinë akterët kryesorë qeveritar, nga kryeministrit e ministrat deri te zyrtarët e ZRRE-së”.
Përmes një postimi në Facebook, ai deklaron se që nga shkurti çmimi i energjisë elektrike ishte i papërballueshëm, i padrejtë dhe i paligjshëm për qytetarët.
“Çmimi i energjisë elektrike, qysh prej shkurtit, është bërë i papërballueshëm për qytetarët. Ai ishte e padrejtë dhe i paligjshëm sepse përgjatë gjithë këtyre muajve, Kosova më shumë ka eksportuar energji sesa që ka importuar, e ne kemi vazhduar të paguajmë tarifa më të shtrenjta anipse të gjithë energjinë e ka prodhuar KEK-u pa e rritur çmimin e shitjes. Edhe në këto kohëra të konsumit të ulët të energjisë, vendimi i paligjshëm, i rrëzuar nga Gjykata Themelore dhe ajo e Apelit, vazhdon të na faturoj më shtrenjtë”, thuhet ndër tjerash në postim.
Tutje, Molliqaj ka përmendur edhe subvencionimin prej 100 milionë eurosh që qeveria i ka bërë KEDS-it për çka thotë se ka mbetur nën hije.
“Në ndërkohë, subvencionimi prej 100 milionë eurosh që qeveria i ka bërë KEDS-it vazhdon të mbetet nën hije. Nuk e dijmë as sa janë japë as kur as si. E dijmë vetëm që KEDS nuk e ka humbur fitimin e kjo i ka kushtuar qytetarëve të këtij vendi. Dorëheqja është akti më i pakët në këtë plaçkitje ordinere”, shkroi tutje ai.
Ndryshe, Gjykata e Apelit ka vërtetuar të martën vendimin e Gjykatës Themelore në Prishtinë për bllokimin e tarifave të shtrenjta të energjisë elektrike të vendosura nga Zyra e Rregullatorit për Energji, duke refuzuar kështu ankesën e këtij institucioni si të pabazuar.
I gjithë procesi në Gjykatë nisi pas padisë së ngritur nga Partia Demokratike e Kosovës, me arsyetimin se shtrenjtimi i rrymës dëmton qytetarët e vendit.
Kështu, më 9 prill, Gjykata mori vendim për pezullim, por pavarësisht kësaj, qytetarët e Kosovës edhe në muajin prill janë faturuar me çmime të rritura./teve1.info/
