Partia Socialdemokrate bën të ditur se gjashtë aktivistë të tyre janë arrestuar gjatë protestës.
Përmes një postimi në Facebook, PSD-ja ka kërkuar lirimin e aktivistëve “urgjentisht”, përcjell teve1.info
Siç bëjnë të ditur ata, të arrestuarit janë Dardan Molliqaj, Zgjim Hyseni, Nol Nushi, Korab Korça, Agron Kabashi dhe Gent Ibrahimi.
“Në kundërshtim të Gjykatës Speciale, gjatë protstës së PSD janë arrestuar gjashtë aktivistë: Kryetari Dardan Molliqaj, Zgjim Hyseni, Nol Nushi, Korab Korça, Agron Kabashi dhe Gent Ibrahimi. Kjo është përpjekje për disiplinim dhe përmirësim imazhi për gjykatën e padrejtë speiciale. Metodat frikësuese neve nuk na ndalin. Gjykata është raciste, e padrejtë dhe segreguese. Rezictenca vazhdon. Z. Trendafilova nuk është e mirëseardhur. Policia mund ta garantojë sigurinë fizike, por jo imazhin e një kryesuese të një procesi të padrejtë. Kërkojmë urgjentisht të lirohen aktivistët tonë!”, thuhet në postimin e tyre.
Pas hedhjes së mjeteve tymuese dhe shpërthyese, disa protestues janë arrestuar tek protesta e PSD-së kundër vizitës së Kryetares së Dhomave të Specializuara të Kosovës, Ekaterina Trendafilova.
Policia e Kosovës ka përdorur gaz lotsjellës ndaj protestuesve, me ç’rast janë lënduar edhe disa qytetarë.