Ky aksion i PSD-së është mbajtur lidhur me peticionin që ishte nënshkruar nga qytetarë për të kërkuar inicimin e ligjit për faljen e gjobave të pandemisë.
Nga PSD-ja thonë se kjo qasje e Kuvendit, sidomos kryetarit Glauk Konjufca, është dekurajuese për qytetarët.
“Është dekurajuese qasja e Kuvendit, përkatësisht kryeparlamentarit Konjufca, për qytetarët që kanë nevoja dhe organizohen rreth çështjeve në interes për ta. Demokracia përfaqësuese është më e gjërë sesa formaliteti i shtruar në institucione. Ligji e mundëson, deputeti e refuzon. Në vend se të nxiten iniciativat e tilla dhe të mbrohen direkt nga qytetarët, frika e pushtetit zuri ulësen e tyre. Këta përfaqësues janë të kapur ngushtë pas pushtetit të tyre”, thonë nga PSD. /Teve1.info/
