Partia Socialdemokrate ka zgjedhur që ditën e fundit të fushatës zgjedhore ta kalojë me publikimin e mesazheve përmes rrjeteve sociale dhe video-adresimeve të kandidatëve të saj.
Kryetari i PSD-së, Dardan Molliqaj, u bëri thirrje qytetarëve që në zgjedhje të mbështesin subjektin e tij, duke theksuar rëndësinë e një opozite aktive dhe kritike në Kuvend.
Sipas tij, vendi ka nevojë për përfaqësues që do të mbikëqyrin qeverisjen, do të ngritin çështje me interes publik dhe do të mbrojnë kauza të rëndësishme për qytetarët.
Molliqaj tha se PSD synon të jetë zëri opozitar që do të sfidojë pushtetin dhe kërkoi votën e qytetarëve për ta përfaqësuar këtë rol në legjislaturën e ardhshme.
