Me flamuj të Serbisë dhe bluza me mbishkrime nacionaliste, e nisën festën të mërkurën.
Kështu serbët në katër komunat veriore, shpërndanë fotografi në rrjetin social telegram, duke përquar mesazhe kërcënuese.
Në njërën prej bluzave shihet edhe fotografia e kryeterroristit Milan Radojiçiq, përgjegjës për aktin terrorist në Banjskë të Zveçanit.
Ndërkaq, këtë mbishkrim me ngjyra të Serbisë të vendosur pranë sheshit “Car Lazar” në Mitrovicë të Veriut, e hoqi Policia e Kosovës.
“E kemi dërguar kërkesën apo njoftimin si të tillë tek Ministria e Administrimit të Pushtetit Lokal, dhe ata kanë thënë që i nevojitet kërkesa në mënyrë që me u lejua një gjë të tillë. 02:01.. Zyrtarët komunal kanë tentuar me vendos këtë banerë, ne duke marrë parasysh që ishim në pritje të aprovimit nga Ministria e Pushtetit Lokal, e kemi larguar atë banerë i kemi shqiptuar një tiketë kryetarit të komunës për arsyeje të mos respektimit të urdhrave të policëve”, ka thënë Elshani.
E për provokimet me flamujt serbë dhe bluzat me mbishkrime nacionaliste, zëvendësdrejtori i Policisë për Rajonin e Veriut, Veton Elshani, thotë se janë në njohuri.
“Ne jemi këtu që të sigurohemi që gjithçka të kaloi qetë dhe mirë. Nuk ka ndonjë problem për tu theksuar, dhe konsiderojmë që nuk do të ketë por në rast se do të ketë nevojë për ndërhyrje, ne jemi këtu”, u shpreh tutje Elshani.
Festat e janarit, sipas ish-kryesuesit të kuvendit komunal në Mitrovicë të Veriut, Nexhat Uglajn, politizohen në vazhdimësi nga Lista Serbe.
“Politizimi dihet nga kush vjen, nga Lista Serbe..00:51 për cdo festë ne duhet me i përkrahë dhe përgëzua, por këtu manifestohet në mënyrë politike në mënyrë nacionaliste ajo fazë ka kaluar, institucionet e sigurisë kanë marrë hapat konkret”, ka thënë Ugljanini.
E njohësi i sigurisë, Arben Dashevci thotë se sulmet në Banjskë dhe Ibër-Lepenc, kanë rritur vigjilencën e organeve të rendit.
“Tash e 1 vit e gjysmë vetëm me ndonjë tentim të destabilizimit ose të dezinformimit nuk përjashtohet asgjë në aspektin e sigurisë duke pasë parasysh kriminelët që na kanë shkaktuar 2023-shin dhe 2024-shin janë në rrethin e tyre vicioz në Serbi, nuk përjashtohet asgjë në aspektin e sigurisë, por vigjilenca është”, ka thënë Dashevci.
Besimtarët ortodoksë sot festojë kërshëndellat, ndërkaq ditëve në vijim e kanë edhe festën e vitit të ri.
