Me parulla në duar e flamuj të Ushtrisë Çlirimtare të Kosovës, u mblodhën në qendër të Ferizaj.
Nën organizimin e Organizatës së Veteranëve të Luftës së UÇK-së në Ferizaj, u bë protestë për ish luftëtarin, Blerim Ramadani.
Nga aty u bë thirrje që krerët e të dyjave vendeve, Kosovë e Maqedoni të ndërmarrin veprime.
Nisur nga rasti i fundit të Ramadanit, ish eprorët e UÇK-së, kërkuan kujdes nga ish luftëtarët kur të dalin jashtë territorit të Kosovës.
Nga familja u shprehën se shpresojnë se Ramadani do të lirohet së shpejti.
Ministri i Punëve të Brendshme të Serbisë, Ivica Daciq, ka deklaruar se janë në pritje të miratimit të vendimit për ekstradim të Blerim Ramadanit.
Ramadani u arrestua të premten e kaluar, në vendkalimin kufitar në Jazhincë të Maqedonisë së Veriut, ndaj të cilit kishte një fletarrest nga Serbia, i cili ishte në kërkim të Interpolit.
Aktualisht, Ramadani me vendim të Gjykatës Penale të Shkupit është nën masën e paraburgimit prej 30 ditësh, në burgun ekstradues në Shutkë të Shkupit.
