Situatë e tensionuar po vazhdon të mbizotërojë në qytetin e Zveçanit.
Protestuesit serbë në këtë qytet kanë hedhur gurë në drejtim të trupave të KFOR-it, ka raportuar gazetari i Tëvë 1 nga vendi i ngjarjes.
Teksa, KFOR-i është kundërpërgjigjur duke hedhur tym në drejtim të protestuesve.
Nga përleshja raporohet edhe për të lënduar, ndërsa siç raporton Ekonomia Online një veturë e Policisë së Kosovës është djegur.
Ndryshe situata në këtë qytet ka qenë e tensionuar gjatë gjithë ditës.
Aty është vendosur një gardh metalik, i cili e ka bllokuar rrugën që çon drejt ndërtesës së komunës.
Pjesëtarët e KFOR-it po ashtu është raportuar se kanë bllokuar rrugën për në komunë.
Qytetarë të shumtë janë mbledhur para ndërtesës së komunës, teksa ndaj të njëjtëve policia ka gjuajtur gaz lotsjellës.
