Qytetarë të shumtë u mblodhën këtë të shtunë para Kryeministrisë në Tiranë, në protestën e paralajmëruar si një tubim mbarëkombëtar kundër qeverisë.
Protestuesit marshuan nga Sheshi “Skënderbej” drejt Kryeministrisë, duke mbajtur flamuj kombëtarë dhe pankarta të ndryshme. Sipas raportimeve nga terreni, pjesëmarrja ishte e madhe, ndërsa në protestë iu bashkuan edhe shqiptarë nga diaspora.
Protestuesit i kanë vendosur afat kryeministrit Edi Rama deri më 21 qershor për të dhënë dorëheqjen. Ndërkohë, Rama deklaroi më herët se nuk ka ndërmend të largohet nga detyra, duke theksuar se nuk do ta lërë vendin në dorë të “zhurmuesve”.
