Protestuesit në Serbi, tentojnë të futen në Kuvend

Protestuesit pro opozitarë në Serbi, janë duke tentuar të futen në ndërtesën e Kuvendit.

Pamjet e transmetuara në rrjetet sociale tregojnë revoltimin e tyre, në ditën e shtatë të protestës së thirru nga opozita në Serbi e cila po kundërshton rezultatin zgjedhor parlamentare të 17 dhjetorit.

Opozita thotë se kishte manipulim të rezultatit e frikësim të votueseve.

Vërejtje për procesin zgjedhor kanë dhënë edhe organizatat ndërkombëtare që kanë monitoruar këtë proces, ku partia e presidentit aktual të Serbisë, Aleksander Vuçiq ka dalë fituese.