Zyrtarë të institucioneve të ndryshme kanë protestuar sot para objektit të Komunës së Prishtinës. Një ndër kërkesat e tyre ishte hartimi i Rregullores për sistematizimin e vendit të punës. Sipas tyre Komunës së Prishtinës i mungon një rregullore dhe përshkrimi i detyrave të punës.
U mblodhën para objektit të Komunës së Prishtinës me kërkesat e tyre për hartimin e Rregullores për sistematizimin e vendit të punës.
Shërbyesit civil, zyrtarët teknikë, administrativ mbështetës, punëtorët e njësive vartëse Teatri “Dodonës”, Arkivit të Komunës së Prishtinës, Bibliotekës “Hivzi Sylejmani”, Qendrës Kulturore për Rini dhe Zjarrfikësit, kanë protestuar të martën për shkak të pakënaqësive me kushtet në vendet e punës.
Përfaqësuesi i kësaj proteste u shpreh se nuk po kërkojnë lëmoshë por drejtësi.
Ndërsa zyrtarja në Drejtorinë e Bujqësisë në Komunën e Prishtinës u shpreh se është e dhimbshme që çdo kërkesë e tyre duhet te adresohet në gjykata.
Kryetari i Shoqatës Sindikale në Komunën e Prishtinës, Ahmet Gashi tha se prej dy vitesh po i parashtrojnë këto kërkesa.
Me mbishkrime të ndryshme, protesta e këtyre zyrtarëve ishte e qetë mirëpo ata u shprehen që nëse nuk realizohen këto kërkesa, do ta vazhdojnë në forma tjera te protestës.
Rinesa Osmanaj
