Kërkesë e punëtorëve të lotarisë është ndryshimi i Ligjit për Lotarinë e Kosovës si dhe mosmarrja e pagave, raporton Teve1.info
Disa nga protestuesit kanë protestuar me pankarta në duar si “Mbajeni premtimin, miratojeni ligjin”, “Qeveria të merr përsipër pagat”, “Qeveria pronare, punëtorët në rrugë”,”Edhe fëmijët tanë e duan jetën”, këto ishin disa nga mbishkrimet e tyre.
Njëri nga protestuesit ka thënë se deri më sot nuk kanë marrë asnjë përgjigje për asnjë takim nga institucionet.
“Deri sot nuk kemi marrë asnjë përgjigje për asnjë takim. Janë të drejtat tona që po na i mohojnë. Na kanë përkrahur tu na dhënë fjalë shumë të mëdha, na do të ju ndihmojmë, kurse tash një vit e gjysmë nuk mund të caktojnë takim. Po na injorojnë. Asnjë përgjigje nuk kemi prej tyre. Ky është injorim total, thuajse na nuk ekzistojmë”, është shprehur ai. /teve1.info/
