Kryetarja e dhomave të specializuara të Gjykatës Speciale, Ekaterin Trendafilova, sot ka thirrur konferencë për media nga ora 12:00, të njëjtë kohë kur konference ishte erdhen edhe Organizata e Veteranëve të Luftës.
Në këtë kohë OVL-ja e Ushtrisë Çlirimtare të Kosovës nuk mbajtën vetëm konferencë, por edhe protestë. Në shenjë revolte e pakënaqësie me Trendafilovën, protestuesit hodhën tym të zi.
Kryetari i OVL -UÇK-së tha se Trendafilova sjelle vetëm gjëra të këqija për Kosovën.
“Reagimi ka qenë që Trandafilova të mos vjen në Kosovë fare. Ne e dimë që sa herë vjen në Kosovë, kjo vjen vetëm për një të keqe e një të zezë të Kosovës dhe ka ardhur sot pikërisht më 13 maj, kur dita sigurimit shtetëror të Serbisë, ku për shqiptarët është një ditë famëkeqe, është një ditë zie. Se shumë nëna, shumë gra, kanë mbetur të veja prej atij sigurimi”, tha Hysni Gucati.
Sipas, Gucati gjithë ky kundërshtim i tyre vije si shkas i problemeve që kanë me prokurorinë.
“Trandafilova nuk është e mirë për qytetarët e Kosovës dhe për shtetin e Kosovës. Ne kemi problem me prokurorinë jo me gjykatë. Ne kemi pikërisht problem me Prokurorinë e cila punon me dosje të Serbisë dhe me dosje të shqiptarëve të cilët kanë bashkëpunuar me Serbinë”, ka përfunduar kryetari OVL-UCK.
Kësaj turmës i është drejtuar edhe Fatmir Sopi.
“Narrative e njëanshëm e dhomave të specializuara për Kosovën, qasja selektive ndaj UÇK-së dhe anashkalimi i krimeve të kryera nga forcat serbe në Kosovë është e padrejtë dhe e papranueshme. Kjo dëmton drejtësinë dhe paqen afatgjatë në rajon”, ka thënë Fatmir Sopi.
Ndër të tjerash Sopi përmend edhe trajtimin jo adekuat që po ju behët të paraburgosurve në Hagë.
“Trajtimi i padenjë i të paraburgosurve në Hagë, edhe pse janë dorëzuar vullnetarisht dhe gëzojnë prezurmimin e pafajësisë të paraburgosurit nga Kosova përballen me kufizime të vizitave, cezurë të komunikimit, ndalim për të marrë pjesë në varrimet te të afërmeve të tyre dhe sjellje nën masa të tepruara sigurie”, tha Sopi.
Pas pak minutave që u mbajt konferenca e njëkohësisht protesta e organizuar nga Organizata e Veteranëve të Kosovës, kryetarja e dhomës së Gjykatës Speciale e anuloi konferencën që kishte.
