Me maska dhe në heshtje, mesdita e së mërkurës, shënoi ardhjen e tyre në oborrin e qeverisë.
Kjo pasi vendimi i fundit i ekzekutivit për shtesat e rrezikshmërisë, shkaktoi pakënaqësi tek njësia speciale intervenuese e policisë së Kosovës si dhe Njësia për Trajtimin e Mjeteve Eksploziv.
Andaj përmes një proteste paqësore, dhjetëra pjesëtarë të këtyre njësive elitare, treguan kërkesat e tyre.
Krahas kësaj kërkese ata theksuan se nuk duan të shfrytëzohen për qëllime politike.
Në fund të tetorit, qeveria e Kosovës prezantoi shtesat për rrezikshmërinë për pjesëtarët e Policisë së Kosovës. Ato ishin ndarë në shtatë kategori, varësisht prej pozitave të zyrtarëve policorë.
Për njësitë elitare, përkatësisht për Njësinë Speciale Intervenuese, Njësinë për Ndërhyrje të Shpejtë dhe Njësinë për Mbrojtje të Afërt, shtesat u caktuan të jenë prej 150 euro mbi pagën bazë.
