Kjo si shenjë revolte për vrasjen e 35 vjeçares shtatzënë mbrëmë në oborrin e QKUK-së.
Pas sheshit “Zahir Pajaziti”, protesta vazhdoi deri te Ministria e Drejtësisë.
Para objektit të kësaj ministrie, protestuesit vunë edhe mbishkrime.
Marshi i protestuesve vazhdoi edhe para Policisë së Kosovës.
Ndërsa para objektit qëndronin zyrtarë të policisë.
E më tutje protestuesit kaluan tek Qeveria e Kosovës. Në shenjë proteste, para objektit ndezën zjarr.
Mirëpo forcat policore intervenuan shpejt.Për këtë u arrestua edhe një aktiviste.
Protestuesit para Qeverisë kërkuan që vrasja e grave të trajtohet si urgjencë kombëtare.
Pas rreth dy orësh, protesta përfundoi.
Ndërkaq për vrasjen e gruas shtatzënë, Policia e Kosovës ka njoftuar se i dyshuari kryesor është ish burri i saj, Sokol Halili.
Ky institucion ka kërkuar bashkëpunimin e qytetarëve për kapjen e të dyshuarit.
Kronika e realizuar nga Albiona Hajdari
