Policia e Kosovës ka njoftuar se do t’a bllokojë rrugën në Graqanicë.
Në njoftim thuhet se, kjo po bëhet me qëllim të mbarvajtjes së një proteste që po mbahet sot në Graqanicë, raporton teve1.info
Rruga për veturat që udhëtojnë nga Prishtina në Gjilan dhe anasjelltas do të jetë e bllokuar deri në përfundim të protestës.
“Policia e Kosovës, me qëllim të mbarvajtjes së një proteste të paralajmëruar, që do të mbahet sot në Graqanicë, duke filluar nga ora 11:30 e deri në përfundim të protestës, do të ridrejtoj trafikun për automjetet që udhëtojnë nga Prishtina në Gjilan dhe anasjelltas, pasi që rruga kryesore në Graqanicë do të ketë ndërprerje (bllokim) të përkohshme të qarkullimit të trafikut, deri në përfundim të protestës”, thuhet në njoftim.
Tutje, Policia e Kosovës ka kërkuar nga qytetarët që të shfrytëzojnë rrugët alternative.
