Në Beograd ka nisur një protestë në shenjë proteste kundër arrestimit të studentëve.
Pak para orës tetë të mbrëmjes, rruga Sava u bllokua. Protestuesit vazhdojnë të vijnë, kryesisht përgjatë rrugës Nemanja.
Të mbledhurit bëjnë shumë zhurmë dhe herë pas here bërtasin: “Lërini të gjithë të shkojnë” dhe “Vuçiq të largohet”.
Midis politikanëve u shfaq edhe Srgjan Milivojeviq, kryetari i Partisë Demokratike.
Barrikada u vendosën në Vozhdovac, Zemun dhe Beogradin e Ri. Ministria e Drejtësisë njoftoi se deklaratat e pjesëmarrësve të bllokadës studentore se kolegët e tyre u “morën nga strukturat para-shtetërore” janë të pavërteta.
“Ministria e Drejtësisë i mohon pretendimet e tilla dhe thekson se ato janë absolutisht të pabazuara dhe përfaqësojnë një përpjekje për të shkaktuar panik dhe për të dezinformuar publikun”, thuhet në deklaratë.
Përfaqësuesit e këshillave qytetare të Medijanës dhe Palilulës në Nish u kanë bërë thirrje bashkëqytetarëve të tyre të mblidhen para ndërtesës së Gjykatës Themelore në Nish sonte në orën tetë të mbrëmjes dhe të ofrojnë mbështetje për studentët e arrestuar, raporton KosovaPress.
Studentët në bllokadë thanë se disa kolegë të tyre u arrestuan sot nën akuzat se po planifikonin sulm ndaj institucioneve shtetërore, bllokadë rrugësh, dhe lloje të tjera dhune me qëllim shkaktimin e kaosit në vend dhe ndryshimin me dhunë të rendit kushtetues.
