Sot më 17 tetor, nga ora 17:00 sheshi “Skënderbej” në Tiranë do të jehojë nga thirrjet për drejtësi ndaj ish-udhëheqësve të Ushtrisë Çlirimtare të Kosovës, të cilët mbahen në paraburgimin e Hagës.
Ish-gjenerali i UÇK-së, Nasim Haradinaj ka deklaruar se përkrahja për ish-krerët e UÇK-së të cilët po gjykohen në Hagë ka qenë gjithmonë.
Haradinaj shpreson që të ketë drejtësi sa më parë për Hashim Thaçin, Jakup Krasiniqin, Kadri Veselin e Rexhep Selimin të cilët po gjykohen në Hagë për krime lufte.
Ndërkohë, të enjten gjatë seancës plenare të zhvilluar në Kuvendin e Shqipërisë nuk u miratua kërkesa e paraqitur nga Partia Demokratike për rezolutën që dënonte gjenocidin serb në Kosovë.
Për këtë, Haradinaj thotë se gjenocidi nuk u bllokua në Kuvendin e Shqipërisë, por u bllokua siç tha ai me qëllim të keq ku sipas ish-gjeneralit, Berisha ka arrestuar, maltretuar dhe ka vrarë disa nga çlirimtarët e Kosovës.
“Përkrahja për njerëzit në Hagë dhe njerëzit që i kemi atje ka qenë gjithmonë, shpresojmë që do të ketë drejtësi, por duke parë padrejtësitë që po bahen dhe neglizhenca dhe kohëzgjatja e saj, neglizhencën e qeverisë neve na nxiti të bëjmë disa protesta, por ne sot jemi nën udhëheqjen e platformës “Liria ka emër” sot kemi mbërri në Cyrih me motorristët, një protest e veçantë, një protest pak më ndryshe. Jemi në një vend ku shqiptarët dhe qytetarët dëshirojnë të na ndihmojnë të na suportpjnë me ushqim dhe të na përkrahin moralisht dhe materialisht…. Gjenocidi nuk u bllokua në Parlamentin Shqiptar, por u bllokua qëllimi i keq me emër të gjenocidit dhe me iu referua parlamentit Sali Berisha i cili grupit të UÇK-së i ka bllokua, i ka arrestuar, i ka maltertuar dhe disa i ka vrarë çlirimtarët tanë”, ka deklaruar Haradinaj në emisionin “Mesditë” në Tëvë1./teve1.info/
