Avokati ish-presidentit Hashim Thaçi, Pierre-Richard Prosper, ka thënë se nisja e dëshmisë nga dëshmitarët e mbrojtjes do tu jep mundësi për të treguar të vërtetën se çfarë ndodhi në Kosovë.
Ai ka thënë se në këtë proces do të paraqiten prova që tregojnë se Thaçi nuk është përgjegjës për akuzuat.
“Do të jetë një mundësi për të rishikuar të vërtetën rreth asaj që në të vërtetë ndodhi në Kosovë në vitin 1999. Pra, kjo do të jetë fillimi i një procesi ku do të shihni daljen e provave që do të tregojnë se Presidenti nuk është përgjegjës për akuzat që i atribuohen Por shpresoj që të jeni këtu gjatë gjithë procesit dhe të raportoni saktë për atë që ndodh sot”, ka thënë ai në një deklarim para medieve para nisjen së seancës, raporton Tëvë1.
Prosper ka thënë se nuk ka qenë e lehtë të binden dëshmitarët të vijën në këtë proces.
“Po, ishte e vështirë. Mendoj se të gjithë këtu, të gjithë të përfshirët, të gjithë ata që do të shihni duke dëshmuar, duan të vijnë dhe të kenë mundësinë të ndajnë të vërtetën. Ka një proces për të marrë autorizimet e nevojshme për ta bërë këtë, por kemi qenë të suksesshëm dhe shpresojmë të vazhdojmë të jemi të suksesshëm”, ka thënë avokati i Thaçit.
Ai është shprehur i bindur se nëse ka një proces të drejt, Thaçi do të shpallet i pafajshëm.
“Po, unë patjetër shpresoj për këtë. Mendoj se nëse dhomat ndjekin të vërtetën, do të kemi një vendim të drejtë dhe një që do të tregojë se klienti ynë nuk është fajtor”, tha ai.
James Rubin, i cili gjatë luftës në Kosovë ishte ndihmëssekretar amerikan i Shtetit, pritet të nis sot dëshminë e tij në mbrojtje të ish-presidentit të Kosovës, Hashim Thaçi.
