Ndërmjetësuesit e armëpushimit mes Izraelit dhe Hamasit, Katari dhe Egjipti kanë propozuar një formulë të re për t’i dhënë fund luftës në Gaza, thonë burime të BBC-së.
Sipas një zyrtari të Hamasit, propozimi parashikon një armëpushim që zgjat pesë deri në shatat vjet, lirimin e të gjitha pengjeve izraelitë në këmbim të të burgosurve palestinezë të mbajtur në burgjet izraelite, një fund formal të luftës dhe një tërheqje të plotë të Izraelit.
Një delegacion i lartë i Hamasit do të mbërrinte në Kajro për konsultime.
Armëpushimi i fundit u rrëzua një muaj më parë kur Izraeli rifilloi bombardimin e Gazës, me të dyja palët që fajësuan njëra-tjetrën për dështimin për të vazhduar.
Izraeli nuk ka komentuar mbi planin e ndërmjetësve.
Ndërkohë, 22 palestinezë janë vrarë në një seri sulmesh ajrore izraelite në të gjithë Rripin e Gazës që nga mbrëmja e së hënës, tha një zyrtar mjekësor në ministrinë e shëndetësisë së Gazës.
Zyrtari tha se ata u vranë në Khan Younis, Jabalia, Beit Lahia dhe qytetin e Gazës dhe se 45 persona të tjerë u plagosën.
Banorët vendas dhe dëshmitarët okularë i përshkruan sulmet ajrore si “jashtëzakonisht intensive”.
Ndërsa Izraeli vazhdon me ofensivën e tij, bisedimet do të zhvillohen në Kajro me Hamasin, të përfaqësuar në një nivel të lartë nga kreu i këshillit politik të tij, Mohammed Darëish, dhe negociatori kryesor Khalil al-Hayya.
Takimi vjen disa ditë pasi lëvizja hodhi poshtë propozimin e fundit të Izraelit, i cili përfshinte një kërkesë që Hamas të çarmatosej në këmbim të një armëpushimi gjashtëjavor.
