Atëbotë shumica e deputetëve të Kuvendit të Kosovës pranuan propozimin kryenegociatorit Martti Ahtisaari për statusin e Kosovës.
Ndërkaq jashtë Kuvendit, aktivistët e Lëvizjes Vetëvendosje po protestonin.
E përmes këtij propozimi një vit më vonë Kosova do ta shpallte pavarësinë.
Nënkryetari i Lidhjes Demokratike të Kosovës, Lutfi Haziri, i cili në atë kohë shërbeu si zëvendëskryeministër i Kosovës, rrëfen se sa të vështira ishin negociatat për vendin.
Megjithatë, ai thotë se caku final u arrit, sepse dokumenti në fund siguronte pavarësinë e Kosovës.
Ndërkaq profesori, Bujar Dugolli, që po ashtu ishte pjesë Kuvendit e Kosovës tregon se gjatë legjislaturës së parë dhe të dytë, ai me deputetet e tjerë u përpoqën ta shpallnin pavarësinë e Kosovës pa proces politik, por që ishte e pamundur.
Më 17 shkurt 2008, Kuvendi i Kosovës përfundimisht shpalli pavarësinë nga Serbia.
Po të njëjtin vit, Komiteti Norvegjez i Nobelit vendosi t’i japë Çmimin Nobel për Paqe Martti Ahtisaarit për përpjekjet e tij të rëndësishme për zgjidhjen e konflikteve ndërkombëtare.
Raporti i gazetarit Shpat Blakçori.
