Është promovuar të enjten mbrëma në Prishtinë libri kushtuar trajnerit legjendar të boksit, Lah Nimani.
Autor i librit “Lah Nimani – emblemë e përjetësisë” është profesori mitrovicas, Fazli Hajrizi.
Libri është i ndarë në dhjetë kapituj, ndërsa paraqet jetën dhe veprën si profesor e trajner të Lah Nimanit të ndjerë.
Për Lah Nimanin ndër të tjera folën edhe Mehmet Bogujevci, Agim Kasapolli, Driton Kuka, Avni Spahiu e personalitete të tjera.
Autori Fazli Hajrizi ka treguar se për librin ka punuar shumë vjet, ndërsa është frymëzuar nga kontributi madhor i Nimanit.
Lah Nimani është prej figurave sportive shqiptare më të njohura dhe më të suksesshme në histori. E udhëhoqi skuadrën e Prishtinës drejt pesë titujve të kampionit në shtetin e dikurshëm federativ. Klubi i boksit Prishtina ishte bindshëm më i suksesshmi i Kosovës në ish-Jugosllavi.
