Ish-drejtoresha e shkollës “Lismiri” në Fushë Kosovë të hënën ka promovuar librin “Lisi i pamposhtur shkolla Lisimiri” në të cilën u pasqyrua historiku 30 vjeçar i këtij institucioni. Kjo monografi u cilësua si një përpjekje serioze e autores për të treguar sakrificën e shumë brezave për jetësimin e shkollës në gjuhën shqipe.
30 vjet të shkollës së fshatit Lismir të Fushë Kosovës u mblodhën në një libër.
Ish drejtoresha e kësaj shkolle, Shemsije Fetahu historikun nëpër vite të këtij institucioni e shkroi në monografinë “ Lis i pamposhtur shkolla Lismiri”.
E të hënën po në këtë shkollë u bë provimi i kësaj monografie.
Në fjalën e tij, redaktori i librit, Gani Bajrami foli për punën që ka bërë ish drejtoresha e shkollës “Lismiri”.
“Monografia me titull simbolik “Lis i pamposhtur-shkolla e Lismirit” pa dyshime është një përpjekje serioze e një pune vullnetare të autores Shemsije Fetahut, për ta pasqyruar rrugëtimin 100 vjeçare të Lismirit punën dhe sakrificën shumë vjeçare të shumë brezave”, ka thënë ai.
Për librin foli edhe recensenti i librit, Jakup Tërnava.
“Autorja në mënyrë profesionale dhe shkencore ka përdorur metoda të ndryshme analitike për prezantimin objektiv të rrethanave shoqërore politike të kohërave të kaluar. Historiku është trajtuar me profesionalizëm të lartë duke prezantuar vështirësi sfidat dhe përpjekjeje e shkollimit të shqiptareve e në përgjithësi dhe në shkollën e Lismirit në veçanti”, ka deklaruar ai.
E falënderuese për gjithë mbështetjen u shpreh vet autorja e monografisë, Shemsije Fetahu.
“Përjetësisht faleminderit për përkrahjen tuaj gjatë këtyre viteve, faleminderit edhe një herë nxënësve ish nxënësve”, tha Fetahu.
Në promovimin e këtij libri ishte edhe kryemyftiu i Kosovës, Naim Tërnava i cili ka lindur në fshatin Lismir.
Ai pati një porosi për të gjithë nxënësit e kësaj shkolle ku edhe vet ai mësoi.
“Krenohem që jam lismiras ku do që shkojë krenohemi që kemi jetuar si një familje krenohem shumë për kontributin e shumë që kanë dhënë edhe fshati ynë dhe të gjithë në çlirimi nga regjimi kriminal. Porosisë nxënësit të mësojnë dhe të mos harrojnë se janë shqiptar mos të harrojmë që duhet me dashtë vendin dhe mos të harrojmë çfarë na kanë porosit rilindësit”, ka deklaruar kryemyftiu.
Në promovim ishin prezent edhe përfaqësues nga komuna e Fushë Kosovës, profesorë e pjesëtar të KFOR-it.
