Prokurorja në rastin e vrasjes së Liridona Ademaj, Javorka Perlinçeviq, ka propozuar që në këtë rast të dëshmojë, vëllai i Liridonës, mejku ligjor Naim Uka, Jeton Binaku që i kishte huazuar veturën Granit Plavës dhe Valon Lukaj, i cili kishte strehuar Naim Murselin.
Ajo ka thënë se dëshmitë e tyre përvec provave materiale janë shumë të rëndësishme.
“Përves provave të propozuara materiale, e rëndësishëm do të jetë dëshmia e vëllait të Lirdona Ademajt. Gjithashtu shumë me rëndësi është dëshmia e ekspertit Naim Uka, mjek ligjor, i cili ka ekspertuar trupin e të ndjerës Liridona Ademaj dhe i cili në mënyrë të detajuar do të na sqaroj se çka ka gjetur në trup dhe të cilës natyrë janë lëndimet dhe koha e shkaktimit të këtyre lëndimeve në trup të të ndjerës, Liridona Ademaj”, ka thënë prokuroja, raporton Teve1.
Ajo ka përmendur edhe veturën e huazuar nga Granit Pllava të llojit “Seat”, ka thënë se është rëndësishme të dëshmoi edhe Jeton Binaku, huazues i veturës.
“Shumë është më rëndësi që të dëshmoj edhe dëshmitari Jeton Binaku nga i cili i akuzuari Plava e ka huazuar veturën. Gjithashtu si dëshmi mund të na shërbej Valon Lukaj i cili në ditën kritike, të parin e ka thirrur Naim Murseli dhe i cili të akuzuarit ia ka siguruar qëndrimin dhe ku më vonë është bashkangjitur Kushtrim Kokalla”, tha ajo.
Ndërsa, Leotrim Syla, avokat i familjes Ademaj, tha se ky shqyrtim do t’i jap përgjigje të gjitha dilemave të ngritura
“Ky shqyrtim gjyqësor do t’i japë përgjigje të gjitha dilemave të ngritura, me dëshirën për të kuptuar të vërtetën e plotë se pse Liridona Ademaj u privua nga jeta në mënyrë aq dinake. Më marrë përgjigje në pyetjen e babit të Liridonës, se pse t’i Naim munde të dalësh me fëmijët nga vetura, e Liridona mbeti brenda. Pyetjes së fëmijëve të Liridonës, pse babi e la hajnin me ja bë nënës, “bam”,Pyetjes së nënës së Liridonës, pse skam me pa të”, tha ai.
