Kryetari i Listës Serbe, Zlatan Elek, është ftuar për intervistim në kuadër të hetimeve që Prokuroria Speciale e Kosovës, është duke i zhvilluar në rastin e vendosjes së barrikadave në komunat veriore në vitin 2022.
Mirëpo, me kërkesë të mbrojtjes së tij, intervistimi i Elek i paraparë për të mërkurën (18 qershor) është shtyer për një datë tjetër.
Zëdhënësja e Prokurorisë Speciale të Kosovës, Arbnora Luta, për tëvë1.info ka thënë shtyerja ka ndodhur për arsye shëndetësore të avokatit të Elek,
“Siç e kemi konfirmuar më parë Zlatan Elek, është ftuar për intervistim në kuadër të hetimeve që Prokuroria Speciale e Republikës së Kosovës, është duke i zhvilluar në rastin e vendosjes së barrikadave në komunat veriore në vitin 2022, për veprat penale: pengim i personit zyrtar në kryerjen e detyrave zyrtare, thirrje për rezistencë dhe bashkimi për veprimtari kundër kushtetuese. Por, intervistmi i z.Elek është shtyrë për një datë tjetër me kërkesë të mbrojtjes, për arsye shëndetësore të avokatit të z.Elek”, ka thënë Luta.
Elek është duke u hetuar për pengim të personit zyrtar në kryerjen e detyrave zyrtare, thirrje për rezistencë dhe bashkim për veprimtari kundër kushtetuese.
