Prokuroria Speciale e Kosovës ka reaguar pas vendimit të Gjykatës Themelore në Prishtinë, e cila shpalli fajtor dhe dënoi Hysri Selimin për veprën penale të spiunazhit.
Prokuroria Speciale e ka vlerësuar aktgjykimin si një zhvillim të rëndësishëm në forcimin e sundimit të ligjit dhe mbrojtjen e interesave shtetërore të Kosovës.
Sipas Prokurorisë, ky vendim dëshmon përkushtimin e institucioneve të drejtësisë në trajtimin e rasteve që prekin sigurinë kombëtare dhe rendin kushtetues të vendit.
“Ky vendim përfaqëson një hap të rëndësishëm në zbatimin e sundimit të ligjit dhe në mbrojtjen e sigurisë kombëtare”, thuhet në reagimin e Prokurorisë Speciale.
Selimi, i cili më parë ka qenë i dënuar edhe për pjesëmarrje në ISIS, u dënua me 6 vjet burgim për spiunazh te BIA serbe, i cili dënim ekzekutohet pas plotfuqishmërisë së këtij aktgjykimi.
