Prokuroria Speciale e Kosovës e ka mirëpritur aktgjykimin dënues të Gjykatës Themelore në Prishtinë prej 15 vitesh ndaj Millosh Pleskoviqit, i akuzuar për krime lufte ndaj popullatës civile në Prizren.
Sipas Prokurorisë, ky vendim përfaqëson një hap të rëndësishëm drejt vendosjes së drejtësisë për viktimat dhe familjarët e tyre.
“Gjithashtu, ky aktgjykim fuqizion përpjekjet dhe angazhimin e Prokurorisë Speciale për të hetuar dhe ndjekur penalisht krimet e kryera gjatë luftës, si dhe për të siguruar që autorët të përballen me drejtësinë”, thuhet në reagim.
Millosh Pleskoviq shpallet fajtor për krime lufte, dënohet me 15 vjet burgim
