Prokuroria Speciale e Kosovës ka dorëzuar në Gjykatën Themelore në Prishtinë një aktakuzë ndaj 35 personave, të dyshuar për kryerjen e një krimi lufte në lagjen e Jasharajve në Prekaz të Skenderajt.
Lajmin e ka bërë të ditur zëdhënësja e Prokurorisë Speciale, Arbnora Luta në konferencën për media.
“Ju njoftojmë që e kemi dorëzuar një aktakuzë shumë të rëndësishme në Gjykatën Themelore në Prishtinë, që ka të bëjë ndaj 35 të pandehurve për kryerjen e një krimi të luftës në lagjen e Jasharajve në Prekaz të Skenderajt”, ka deklaruar Luta.
Aktakuza lidhet me ngjarjet e luftës në Kosovë dhe rastin në lagjen e familjes Jashari në Prekaz./teve1.info/
