E këto para, vet Shkretaj e pohoi se nuk i kishte të deklaruara në Agjencinë Kundër Korrupsion, por shtoi se do t’i deklaronte në të dhënat të cilat publikohen vitin e ardhshëm.
E në rast se dëshmohet që këto të holla të mbajtur kesh janë që nga viti i kaluar, deputeti i Vetëvendosjes konsiderohet se ka bërë shkelje.
“Formulari i deklarimit të pasurisë i dorëzuar në Agjencinë kundër Korrupsionit nga deputeti i apostrofuar e mbulon periudhën kohore 01 janar-31 dhjetor të vitit 2021, ndërsa ngjarja të cilës ju i referoheni ka ndodhur në fund të muajit qershor 2022, rrjedhimisht krahasimi mund të mos jetë i drejtë. Raportimi për pasurinë e këtij viti, të hyrat dhe informatat e tjera, bëhet në vitin 2023. Në rast që mund të vërtetohet që të hollat janë mbajtur kesh nga viti i kaluar, dhe nuk janë raportuar, mund të konsiderohet shkelje”, tha drejtori i Agjencisë Kundër Korrupsionit, Yll Buleshkaj.
Nga ana tjetër, zëdhënësja e Prokurorisë Themelore të Prishtinës Laureta Ulaj, ka deklaruar për tëvë1 se kanë nisur hetimet për vjedhjen e 50 mijë eurove të deputetit Shkreta.
Në Agjencinë Kundër Korrupsion, Shkreta ka deklaruar se para të gatshme në banka ka rreth 100 mijë euro, në pronësi të tij dhe bashkëshortes.
Raporti i gazetares Doresa Geci.
