Prokuroria Themelore në Pejë ka nisur hetimet për të verifikuar nëse ka elemente të veprës penale lidhur me formimin e të ashtuquajturës “Lëvizjes për braktisjen vullnetare të fesë islame” në Deçan.
Kështu ka bërë të ditur për teve1.info zëdhënësi i prokurorisë në Pejë, Shkodran Nikçqi, i cili tha se varësisht nga ajo çka mund të rezultojë nga hetimet do të ndërmerren edhe hapat dhe veprimet e mëtutjeshme.
“Ne si prokurori që nga paraqitja publike e kësaj iniciative, e kemi monitoruar në vazhdimësi dhe njëkohësisht këtë të enjte, Prokuroria Themelore e Pejës ka hapur rast, për verifikim të asaj nëse ka elemente të veprës penale të nxitjes së urrejtjes apo mos durimit dhe varësisht nga ajo çka mund të rezultojë do të ndërmerren edhe hapat dhe veprimet e mëtutjeshme”, ka thënë Nikçi .
Ndryshe në Komunën e Deçanit është formuar këshilli iniciues për formimin e të ashtuquajturës “Lëvizja për braktisjen vullnetare të fesë islame”, me moton “Të jemi vetëm shqiptar”.
Halitaj e quan antikushtetuese të ashtuquajturën “Lëvizje për braktisjen e islamit”
