Prokuroria Speciale e Kosovës ka ngritur aktakuzë ndaj Jelena Gjukanoviq, nga komuniteti serb, për veprime që dyshohet se përbëjnë spiunazh për Agjencinë për Inteligjencë dhe Siguri të Serbisë (BIA).
Ajo, e punësuar më parë në OSBE në Mitrovicë, është arrestuar më 28 shkurt në Jarinjë.
Sipas Prokurorisë, Jelena Gjukanoviq ka siguruar dhe shpërndarë dokumente të ndjeshme, duke cenuar sigurinë kombëtare dhe rendin kushtetues të Kosovës, dhe ka bashkëpunuar me zyrtarë të lartë të BIA-s.
Spiunazhi konsiderohet krim i rëndë në Kosovë dhe dënohet me të paktën pesë vjet burgim.
