Prokuroria Speciale ka njoftuar se ka zhvilluar bastisje në dy lokacione të Kosovës dhe ka arrestuar dy persona të dyshuar për kryerjen e veprës penale “spiunazhi”.
Në njoftim thuhet se ndaj të dyshuarve ka aktvendim për ndalim prej 48 orësh.
“Prokuroria Speciale e Republikës së Kosovës e njofton opinionin publik se pas zhvillimit të hetimeve disa mujore, sot në bashkëpunim me Policinë e Kosovës dhe AKI-në, ka zhvilluar bastisje në dy lokacione të Kosovës dhe ka arrestuar dy persona me nënshtetësi Kosovare, të dyshuar për kryerjen e veprës penale “spiunazhi”, nga neni 124 të KPRK-së. Prokuroria Speciale e Republikës së Kosovës, ndaj të dyshuarve ka nxjerrë aktvendim për ndalim prej 48 orësh dhe ndaj të njëjtëve do të ndërmerr të gjitha veprimet e nevojshme hetimore”, thuhet në njoftim.
Ndryshe, burime të Tëvë 1, bëjnë të ditur se një nga të arrestuarit është Muharrem Qerimi, i cili ushtronte detyrën e zyrtarit policor, por që ishte larguar se fundi nga detyra.
Njëri nga të arrestuarit në Ferizaj për bashkëpunim me BIA-n serbe është një ish-zyrtar policor
