Prokuroria Themelore në Gjakovë ka njoftuar se ka paraqitur kërkesë për paraburgim prej 30 ditësh ndaj zyrtarit komunal për ryshfet.
Sipas prokurorisë, i pandehuri me vendim të Prokurorit të Shtetit gjendet nën masën e ndalimit 48 orësh.
“Ndërkaq në kërkesën e Prokurorisë për paraburgim theksohet mes tjerash se ekziston dyshimi se “i pandehuri me inicialet K.V., më datë 25.08.2025 në Gjakovë, në cilësi të personit zyrtar – zyrtar për regjistrim të bizneseve në Komunën e Gjakovës, me qëllim të përfitimit për vete në mënyrë të drejtpërdrejt i kërkon të holla të demtuarit E.C., për rregullimin e dokumenteve të regjistrimit të biznesit, pasi i dëmtuari kishte aplikuar për hapjen e biznesit të tij, ashtu që më datë 01.09.2025, gjatë zbatimit të urdhëresës së gjykatës për masat e veçanta hetimore është arrestuar në flagrancë i pandehuri pasi ka pranuar shumën e të hollave prej 30 euro”, thuhet në njoftimin e Prokurorisë./teve1.info/
