Prokuroria Themelore në Mitrovicë ka kërkuar nga Gjykata Themelore për caktimin e paraburgimit për tetë personat e arrestuar në aksionin e djeshëm në Mitrovicë.
Ky aksion është zhvilluar të mërkurën në 21 lokacione në Mitrovicë, në të cilën u sekuestruan 9 armë zjarri, 200 fishekë, municione të ndryshme, 15 telefona mobilë, 2 palë pranga, thika.
Prokuroria kërkesën e ka paraqitur ndaj këtyre personave B.H, I.P, dhe O.P të dyshuar për veprat penale “Detyrimi, Importi, eksporti, furnizimi, prodhimi, këmbimi”.
Ndërsa, për të pandehurit A.S, T.R, A.B, Sh.S dhe N.R është paraqitur kërkesë e paraburgimit për veprën penale ”Importi, eksporti, furnizimi, transportimi, prodhimi ,këmbimi ,ndërmjetësimi ose shitje e paautorizuar e armëve apo material plasëse”.
“Prokuroria Themelore në Mitrovicë – Departamenti i Përgjithshëm, ka kërkuar nga Gjykata Themelore në Mitrovicë caktimin e paraburgimit për tetë personat e arrestuar me datë 19 mars në Mitrovicë, në aksionin e realizuar në gjithsej 21 lokacione në regjionin e Mitrovicës, në të cilin u sekuestruan 9 armë zjarri, 200 fishekë, municione të ndryshme, 15 telefona mobilë, 2 palë pranga, thikë, tyta të armës, fatrolla për armë dhe 1 DVR. Për të pandehurit B.H., I.P., dhe O.B., është paraqitur kërkesë për caktimin e paraburgimit për shkak të dyshimit se në bashkëkryerje kanë kryer veprat penale “Detyrimi” nga neni 328 paragrafi 1 e lidhur me nenin 31 të KPRK-së, si dhe “Importi, eksporti, furnizimi, transportimi, prodhimi ,këmbimi ,ndërmjetësimi ose shitje e paautorizuar e armëve apo material plasëse nga” neni 364 paragrafi 1 lidhur neni 31 të KPRK-së, Për të pandehurit A.S., T.R., A.B., Sh.S., dhe N.R., është paraqitur kërkesë për caktimin e paraburgimit për shkak të dyshimit se kanë kryer veprën penale nga neni 364 paragrafi 1 lidhur neni 31 të KPRK-së, Seanca për caktimin e paraburgimit për tetë të akuzuarit do të mbahet ditën e sotme, datë 20 mars 2025. Prokuroria Themelore Mitrovicë”, thuhet në komunikatën e Prokurorisë./teve1.info/
