Sot ka ndodhur një rrahje mes disa personash e që ka eskaluar në gjuajtje armësh në lagjen Veternik në Prishtinë.
E zëdhënsja e Prokurorisë Themelore në Prishtinë, Laureta Ulaj për Tëvë1, ka thënë se prokuroria tashmë ka nisur hetimet.
“Lidhur me rastin e ndodhur sot, në lagjen “Veterniku” në Prishtinë, ju njoftojmë se pas pranimit të informatë nga policia, prokurori kujdestar nga Departamenti për Krime të Rënda i kësaj Prokurorie, ka autorizuar të njëjtit t’i ndërmarrin të gjitha veprimet e nevojshme hetimore, të cilat do t’i ndriçojnë rrethanat e rastit”, ka thënë ajo.
Tutje, Ulaj shtoi se “nga hetimet preliminare dyshohet se pas një mosmarrëveshje mes disa personash, ka pasur të shtëna me armë zjarri dhe nga kjo ngjarje kanë mbetur të lënduar tre persona, me ç’ rast janë dërguar në QKUK për ta marrë ndihmën e nevojshme mjekësore”.
“Në këtë fazë nuk mund të japim informata të tjera, për shkak se janë duke u kryer hetime karshi këtij rasti”, deklaroi Ulaj për Tëvë1.
Ndryshe, rasti ka ndodhur në mëngjesin e sotëm rreth orës 06:30.
Zëdhënësja e Policisë së Kosovoës, Flora Ahmeti për teve1.info ka thënë se me të marrë informatën poliia ka dalur në vendin e ngjarjes.
„Rreth orës 06:30, është raportuar për një rrahje mes disa personash që ka eskaluar në gjuajtje me armë zjarri, të ndodhur në lagjen Veterniku në Prishtinë. Me të marrë informatën, policia ka dalë në vendin e ngjarjes dhe nga informacionet e para është bërë e ditur se për pasojë tre persona kanë marrë plagë nga arma e zjarrit”, ka deklaruar Ahmeti.
