Prokuroria Themelore në Prishtinë dhe Policia e Kosovës, kanë konfirmuar bastisjen në një objekt në qendër të Prishtinës.
Sipas komunikatës së përbashkët thuhet se në këtë objekt dyshohet se janë duke u ofruar shërbime të kundërligjshme mjekësore.
“Prokuroria Themelore në Prishtinë, njofton opinionin publikë se nën udhëheqjen Prokurorit të Shtetit në koordinim me Policinë e Kosovës,Drejtorinë për Hetime Rajonale në Prishtinë, është duke u realizuar bastisje në një objekt në qendër të Prishtinës, ku dyshohet se janë duke u ofruar shërbime të kundërligjshme mjekësore në këtë objekt”, thuhet në komunikatë, përcjell teve1.info
Aksioni ka nisur të mërkurën pasdite.
Gjatë kontrollit, organet e rendit kanë ndaluar edhe një autoambulancë me targa të Beogradit, me ç’rast është dërguar në oborrin e Ministrisë së Brendshme.
